Be it kend till all
men be thir present letters me Margaret Erskyn relict of umquhile Robert
Douglass of Lochlevin and Feufirmorar of the Lands of Northbank wyth the
pertinents to haif maid constitut and ordanit and be thir present letters
makis constitutis and ordanis honorable men and my weil belovittis Maister
Alane Lamonth and David Orme and Thomas Arklay, and ilk ane of them
conjunctly and severally my warray lawfall and undoutit Procurators
Attorneys Factors and special errand Beraris givand grantand and
committand to my saids Procurators or to ony ane of them my full fre plane
power special mandiment express bidding command and charge for me and in
my name and behalf to pass to the personal presens of ane nobill and
mighty Lord James Stewart Comendator of Sanct Andrews and Convent of the
same upon quhatsumevir day or days place or places and thair in my name
and behalf to resign and freely ourgift in thair hands All and Haill the
saids Lands of Northbank wyth the pertinents liand wyt-in the Regalitie of
Sanct Andrews and Sheriffdome of Fyff as in the hands of the Superior
therof in favors of ane honorable man George Lermonth of Balcomy for
heritibill infeftment to be given to hyrn of the foresaids lands in feu
ferme and heritably after his deceisyt to John Lermonth his son his airs
and assignais wyth all rycht and titill of rycht clame propertie and
possessione quhilk I had hes or any wayis may clame or haif to the
foresaids Lands of Northbank wyt the pertinents in ony time to cum
renunciand the samyn for me my airis and assignais for now and ever to the
effect the said George Lermonth may be heritablie infeft in the foresaids
lands wyt the pertinents in maner above expremit and after his deceist to
the said John Lermonth his son his airis and assignais and therupon
Instruments and Documents to ask lift and raiss and generally all and
quhatsomiver my said Procurators conjunctly and severally in the premissis
lawfullie bides to be done in my name and to stand and abide at ye same
firme and stabill, haldand and for to hald and to stand for thame in
judgment and outouth, giff neid beis, under the panis of my guds movable
and immovable, and I never to come in the contrar hairof. In witness of
the whilk thing to thir my present Letters of procuratory I haif
subscrivit the samen wyth my hand my sele is hairto affixit at Locldeven
the XVI day of October the yeir of God jm ve and threescore yeres before
thir witnesses Patrick Heburn of Tullibole, Henry Douglas of Muckhart
Mill, James Demsterton wyt others divers.
MARGARET ERSKYN
Lady of Lochlevin.
See Robert Douglas of Lochleven
Help wanted!
We would welcome biographical details for this person.
Click to contribute
Please note that if you employ Spam Assassin, or similar email
blockers, then you must ensure that you can receive emails from
douglashistory.co.uk
|
|
|